Бидний тухай

Манай сайтад зочилж буй танд энэ өдрийн амар амгаланг айлтгая.

Batica.mn нь дараахь 3 бүтцээс бүрдэнэ.
Монголын анхны шүүмж сайт
Монголын анхны гоо сайхны нэгдсэн мэдээллийн сан
Монголын анхны найдвартай цахим худалдааны дэлгүүр

Batica.mn-г яагаад үүсгэх шаардлага гарсан бэ?
Монгол улсад цахим худалдаа хараахан хөгжөөгүй байгаа өнөө үед фэйсбүүкийн функцуудээр олон төрлийн бараа бүтээгдэхүүн худалдаалагдаж байгааг та бүхэн харж байгаа болов уу. Мэдээж нэг бодлын хялбар бөгөөд цаг хөнгөвчилж байгаа ч авсан бүтээгдэхүүндээ сэтгэл хангалуун бус үлдсэн худалдан авагч цөөнгүй байх.

Сэтгэл хангалуун бус худалдан авалтын ихэнхи тохиолдлууд дараахь жишээнээс үүдэлтэй байдаг болов уу? Жишээ нь: “Энэ ямар бүтээгдэхүүүн бэ?” гэх постыг хүн бүр л харж байсан байх. Яг дор нь хэд хэдэн хүн маш гоё, таалагдсан гэх мэт комментуудыг үлдээсэн байдаг. Сайтар ажиглавал хуурамч акаунтууд ихэвчлэн байдаг. /Мэдээж бүх постууд ийм байдаггүй гэдгийг мөн дурьдая./

Ямар учиртайг та сайн ойлгосон байх. Ялангуяа гоо сайхны бүтээгдэхүүн дээр эмэгтэйчүүд маш их эдийн засгаараа хохирдог.

Иймээс хөгжилтэй орнуудад цахим худалдааны сайт бие даасан байдаг бөгөөд худалдан авагчид хэнээс юу авч байгаагаа сайн мэддэг. Мөн худалдан авалт хийхээсээ өмнө тухайн бүтээгдэхүүний талаарх хүмүүсийн REVIEW, сэтгэгдэлүүдийг заавал уншдаг. Мэдээж хэн хэзээ тэрхүү сэтгэгдэлийг бичсэн бэ гэдэг нь тодорхой байдаг.

Иймээс л манай сайтын хамт олон хэрэглэгч худалдан авалт хийхээсээ өмнө үнэн зөв мэдээллийг авч, цаг заваа хэмнэж, сэтгэл хангалуун найдвартай цахим худалдааг ашиглаасай хэмээн энэхүү сайтаа бий болгосон билээ.

Мөн ЗӨВЛӨГӨӨ булангаараа та бүхэндээ салбартаа үйл ажиллагаа явуулдаг мэргэжилтэнүүдийн өгөх зөвлөгөөг хүргэх болно. Гадаадын сайтаас авсан хэн нэгний орчуулсан орчуулга биш, Монголын цаг агаар, уур амьсгалд тохирсон гоо сайхны болоод эрүүл мэндийн зөвлөгөөг хүргэх болно.

Манай сайтдаа холбоотой санал, хүсэлтийг манай и-мэйл хаягаар болон нийгмийн сүлжээний хаягуудаар холбогдон илэрхийлнэ үү.


Хүндэтгэсэн,
BATICA.MN-ны хамт олон